“Оқ бўрилар” бош мураббийи Эдгар Гесс Ғузорни тарк этган футболчилар ўрнини тўлдириш, шунингдек, таркибни мукаммал шакллантириш мақсадида клуб раҳбарияти билан келишган ҳолда қишки ўқув-йиғин машғулотларга янги футболчиларни таклиф қилишда давом этмоқда.

11 январь куни унинг ихтиёрига ўтган мавсумда “Олмалиқ” клуби таркибида ўйнаган ҳужумчи Александр Востриков ҳамда 2008 йилдан буён Ўзбекистонда фаолият олиб бораётган литвалик Артурас Фоменко етиб келишди.

Эслатиб ўтиш жоиз, Востриков шу пайтга қадар “Тўпаланг” ва “Олмалиқ” клублари сафида тўп сурган. Литвалик футболчи эса ўтган йилги мавсумда “Локомотив” билан бирга бронза медалларини қўлга киритди. Фоменко сўнгги 5 йил давомида мамлакатимизда “Андижон”, “Олмалиқ”, “Сўғдиёна”, “Бухоро”, “Навбаҳор” ва “Локомотив” каби жамоаларда фаолият кўрсатди.