"Бавария" бош мураббийи Томас Тухель ҳужумчи Томас Мюллерга мюнхенликлар сафида ўйнашда давом этишига қизиқаётганини тан олди.
34 ёшли форварднинг “Бавария” билан шартномаси келаси ёзда якунига етади.
"Биз уни жамоада кўришни хоҳлаймиз. Унинг ўзи ҳам ўйнашда давом этишни хоҳлаётгани аниқ. У шу спорт учун яшайди. Нега у бундан кейин ҳам юқори савияда ўйнамаслиги керак?
Мен Томас билан ишлашда жуда ижобий тажрибага эга бўлдим. У ажойиб формада ва яхши ўйнаяпти. Томас - бу клубнинг тимсоли, тирик афсона. Биз ҳурматдан бошқа ҳеч нарсани ҳис қилмаяпмиз", - деди Тухель "Бавария" матбуот хизматига.
