Лига томонидан ўтказилган "Биринчилик кубоги"да 12 та жамоа иштирок этганди. Якунда Тошкентнинг "Бунёдкор-фарм" ва "Олимпик-фарм" жамоалари финалга қадар етиб келди.
Финал учрашуви "Бунёдкор" академиясига қарашли майдонда 25 ноябрь куни бўлиб ўтади. Шу куни "Бунёдкор" стадионида аёллар ўртасидаги Ўзбекистон кубогининг финал учрашуви ҳам ўтказилиши инобатга олиниб, "Биринчилик кубоги"нинг финали 12:00 да старт олиши белгиланди.
Биринчилик кубоги ғолиби Пролига йўлланмаси учун ўтиш ўйинида Биринчи лига ғолиби "Янгиер"га қарши кураш олиб боради. Ўтиш ўйини 30 ноябрь куни бўлиб ўтади.
