"Милан" 15 ёшли ҳужумчи Франческо Камардани асосий жамоага чақирди. Бу ҳақда инсайдер Фабрицио Романо ижтимоий тармоқларида ёзади.
"Россонерилар"нинг ёш футболчиси "қизил-қоралар" сафида А Сериянинг яқинлашиб келаётган ўйинида майдонга тушиши мумкин - бу ўйинда миланликлар "Фиорентина"га қарши баҳс олиб боради.
Гап шундаки, Стефано Пиоли жамоаси жароҳатлар туфайли қийналмоқда. Боз устига, ҳужумчи Оливье Жиру яқинда икки ўйинга дисквалификация олди. Шу боис, трансфер ойнасидан ташқарида Пиоли зудлик билан таркибдаги яна бир "тешик"ни тўлдира оладиган футболчига муҳтож эди.
“Россонерилар” 25 ноябрь, шанба куни ўз майдонида “Фиорентина”ни қабул қилади.
