Германиялик собиқ футболчи Дитмар Хаманн Германия терма жамоасининг сўнгги натижалари ҳақида ўз фикрлари билан ўртоқлашди.
“Бу кўнгилни хафа қиладиган манзара. АҚШ ва Мексикага қарши ўйинлардан кейин вазият яхшиланади деган умид бор эди, аммо бу барбод бўлди. Бу жамоанинг ҳимоя чизиғида барқарорлик йўқ. Биз барча томонларни, айниқса таянч ярим ҳимоячи позициясини яхшилашимиз керак. Шундан сўнг сиз ҳужум қилишингиз мумкин", - деди мутахассис.
Охирги ўртоқлик учрашувида Германия Австрияга 0:2 ҳисобида мағлуб бўлди. Эслатиб ўтамиз, немислар 2024 йилги Европа чемпионати мезбони ҳисобланади.
