Ҳужумчи Томас Мюллер "Бавария" раҳбарияти билан янги меҳнат шартномасини имзолаш бўйича музокаралар олиб бормоқда.
Журналист Тоби Альтшаффлнинг хабар беришича, 34 ёшли форвард Германия чемпиони олдига шарт қўйган. Томас маоши шу даражада қолса, янги шартнома имзолашга тайёр. Футболчи маошини камайтиришни қатъиян рад этади.
Мюллер бутун фаолиятини "Бавария"да ўтказган. Томонлар ўртасидаги амалдаги меҳнат шартномаси келаси йилнинг ёзида тугайди.
Олдинроқ матбуотда германиялик футболчи билан "Манчестер Юнайтед" бош мураббийи Эрик тен Хаг қизиқаётгани ҳақида хабарлар тарқалган эди.
