Суперлига 25-туридан ўрин олган «Олимпик» – «Навбаҳор» (2:1) учрашувидан сўнг мезбонлар бош мураббийи Тимур Кападзе ўз фикрларини билдириб ўтди.
«Бутун жамоамизни ғалаба билан табриклайман! Баҳсга жиддий тайёргарлик кўргандик, яхши ўйин бўлди. Албатта, «Навбаҳор»дек жамоани мағлуб этиш ёқимли.
Ҳақли ғалабага эришдик деб ўйлайман. Йигитларимизга раҳмат айтаман, «Навбаҳор»га эса омад тилаб қоламан.
Руслан Жиянов бошида келганида ярим йил захирада ўтирганди. Кейинчалик кучайиб, янги даражага чиқди. Албатта, Русланнинг ўрни бўлакча, чунки ҳужумдаги креативлиги, техникаси билан жамоага ёрдам бераётганди. У кетди, унинг ўрнига келган футболчилар ҳам албатта иқтидорли, аммо уларга вақт керак. Уларга имкон беряпмиз ва улар секин-аста ўсиб боришмоқда. Албатта, кимдир ўзини яхши кўрсатмоқда, кимдир эса йўқ. Бизнинг вазифамиз уларга йўл-йўриқ кўрсатиш. Бу – футбол. Асосийси, тинимсиз ишлаяпмиз», – деди Кападзе.
