«Милан»нинг ҳужумкор ярим ҳимоячиси Кристиан Пулишич «Фиорентина»га қарши ўйинда майдонга тушишга тайёр.
Бу ҳақда «россонерилар» бош мураббийи Стефано Пиоли маълум қилди.
Эслатиб ўтамиз, Пулишич Чемпионлар лигасининг ноябрь ойидаги «ПСЖ»га қарши ўйинида жароҳат олган ва шундан сўнг жамоанинг А Сериядаги ўйинини ва АҚШ терма жамоаси ўйинларини ўтказиб юборган эди.
«Биз вазиятни яхшилаш ва жароҳатлар сонини камайтириш устида ишлаяпмиз. Пулишич, Калабрия ва Лофтус-Чик «Фиорентина»га қарши майдонга тушади. Леау, Кьяер ва Окафор таркибда бўлмайди», - деди Пиоли журналистларга.
