"Манчестер Сити" бош мураббийи Пеп Гвардиола "Ливерпул"нинг ўтган мавсумда АПЛнинг кучли тўртлигига кира олмагани ва Чемпионлар лигасига йўлланма олмагани сабаблари ҳақида ўз фикрларини билдириб ўтди. "Мерсисайдликлар" "Ньюкасл"дан 4 очко ортда қолган ҳолда бешинчи ўринни эгаллади. 25 ноябрь куни "шаҳарликлар" ва "қизиллар" Англия чемпионатининг 13-турида ўзаро баҳс олиб боришади.
"Ўтган мавсумда "Ливерпуль" футболчилари жуда кўп жароҳат олишди. Агар жамоангизда жароҳат олганлар кўп бўлса, сизда ҳеч нарса қилиш имкони йўқ. Шу боис "Ливерпуль" ҳозир Чемпионлар лигасида эмас, гарчи у одатда у ерда ўйнаса ҳам", - деди Гвардиола ўйинолди матбуот анжуманида.
