"Бавария" бош мураббийи Томас Тухель "Кёльн"га қарши ўйинда нима учун бирорта ҳам алмаштиришни амалга оширмагани ҳақида гапирди.
Мюнхенликлар минимал ҳисобда ғалаба қозонишди (1:0). Учрашув "Бавария"да алмаштиришлар йўқлиги билан ажралиб турди - деярли 13 йилдан бери Бундеслигада бундай воқеа содир бўлмаганди.
"Гап заҳирадаги футболчиларга ишонмаслигимда эмас, балки жамоа ажойиб ўйнаганида. Учрашувни мукаммал назорат қилдик. Мен Мюллер, Геррейру ёки Телни ташлаш ҳақида ўйладим, лекин якунда алмаштиришлар билан ритмни бузмасликка қарор қилдим. Одатда бундай бўлмайди, шунинг учун захирада қолган йигитлардан узр сўрадим. Улар ўзига ишониб, мендан ғазабланмасликлари керак”, деди Тухель.
