Миландаги "Сан-Сиро" стадионида Италия "А" Сериясининг 20-тури доирасидан ўрин олган "Интер"-"Пескара" учрашуви якунланди.
Учрашув майдон эгаларининг ишончли ғалабаси билан якун топди. Биринчи бўлимда, 34-дақиқада Родриго Паласио ҳисобни очган бўлса, иккинчи бўлим бошларида Фредди Гуарин нерадзуррилар ташаббусини мустаҳкамлади.
Ушбу ғалаба туфайли "Интер" жамғарган очколари сонини 38 тага етказди ва бир ўйин кам ўйнаган "Наполи"ни бир очко ортда қолдириб турнир жадвалининг учинчи поғонасига кўтарилди. "Пескара" эса 20 очко жамғарган ҳолда турнир жадвалининг 16-ўрнида бормоқда.
Шу турдан ўрин олган яна бир учрашув бугун илгарироқ бўлиб ўтди. "Болонья" ўз майдонида Кьевога мутлақо имконият қолдирмади ва рақиблар дарвозасига жавобсиз тўрт тўп йўллади.
ИТАЛИЯ ЧЕМПИОНАТИ. "А" СЕРИЯ. 20-ТУР
ИНТЕР – ПЕСКАРА 2:0 (1:0)
Голлар: Паласио (31), Гуарин (54).
ИНТЕР: Ханданович, Жонатан, А. Перейра, Сильвестре, Киву, Беннаси, Гуарин (Мудингайи, 78), Х. Дзанетти, Камбьяссо, Паласио (Милито, 87), Кассано (Рокки, 68).
ПЕСКАРА: Перин, Терлицци, Бальцано, Капуано, Лунд Нильсен (Кашьоне, 64), Модесто, Вайсс (Капрари, 82), Бьярнасон, Колуччи, Жонатас, Челик (Аббрускато, 77).
Огоҳлантиришлар: Паласио (46), Беннаси (56), Бальцано (66), Челик (69).
БОЛОНЬЯ – КЬЕВО 4:0 (2:0)
Голлар: Коне (13), Жилардино (44, 59) Габбьядини (89).
БОЛОНЬЯ: Альярди, Черубин, Антонссон, Портанова, Гарич, Перес, Крхин, Коне (Пациенца, 85), Диаманти (Соренсен, 87), Габбьядини, Жилардино (Аквафреска, 78).
КЬЕВО: Соррентино, Сардо, Цесар, Андреолли, Йокич, Вацек, Кофи, Стоян (Пеллиссье, 52), Л. Ригони, Гуана (Палоски, 18), Теро (Лусиано, 65).
Огоҳлантиришлар: Цесар (20), Кофи (30), Коне (32), Йокич (62), Л. Ригони (64), Антонссон (76), Палоски (78).
