Мавсумни жуда камтарона бошлаганидан сўнг, "Сампдория" кетма-кет учинчи ўйинда ғалаба қозонди. Жамоа бу сафар "Специя"дан устун келди.
"Сампдория" бош мураббийи Андреа Пирло хурсандлигини яширмаяпти - унинг сўзларига кўра, бу ғалаба футболчиларнинг ўзларига янада кўпроқ ишонишлари учун жуда муҳим бўлган.
"Олдинги ғалабалардан сўнг буни яна такрорлаш ва қайтганимизни кўрсатиш муҳим эди. Фақат биринчи бўлимда гол ура олмаганимиз ачинарли, чунки имкониятлар бўлди. Биз ниҳоят бир жамоага айландик. Буни қийин пайтларда кўриш мумкин", - дея Пирлонинг сўзларидан иқтибос келтиради Италиянинг ITASportPress агентлиги.
