Mavsumni juda kamtarona boshlaganidan so‘ng, "Sampdoriya" ketma-ket uchinchi o‘yinda g‘alaba qozondi. Jamoa bu safar "Spesiya"dan ustun keldi.
"Sampdoriya" bosh murabbiyi Andrea Pirlo xursandligini yashirmayapti - uning so‘zlariga ko‘ra, bu g‘alaba futbolchilarning o‘zlariga yanada ko‘proq ishonishlari uchun juda muhim bo‘lgan.
"Oldingi g‘alabalardan so‘ng buni yana takrorlash va qaytganimizni ko‘rsatish muhim edi. Faqat birinchi bo‘limda gol ura olmaganimiz achinarli, chunki imkoniyatlar bo‘ldi. Biz nihoyat bir jamoaga aylandik. Buni qiyin paytlarda ko‘rish mumkin", - deya Pirloning so‘zlaridan iqtibos keltiradi Italiyaning ITASportPress agentligi.
