Мисрнинг Шарм Эл-Шейх шаҳрида Халқаро қиличбозлик федерациясининг навбатдаги Конгресси ўтказилди.

Тадбир давомида ортда қолган давр мобайнида қилинган ишлар сарҳисоби ўтказилиб, янги йил учун режалар кўриб чиқилди.

Конгрессда Гулнора Саидова бошчилигидаги Ўзбекистон қиличбозлик федерацияси масъуллари ҳам иштирок этишди. Якунда FIE рейтингида биринчи ўринни эгаллаган энг яхши спортчи ва жамоаларини тақдирлаш маросими ўтказилди.

Аҳамиятлиси, саблячи йигитларимиздан иборат Ўзбекистон ёшлар терма жамоаси мазкур тоифада дунёнинг энг яхши жамоаси деб эътироф этилди.

Маълумот учун, саблячиларимиз йил давомида шу пайтгача ўтган ёшлар ўртасидаги Жаҳон кубоги босқичларида 4 та олтин, 3 та кумуш ва 2 та бронза медалларини қўлга киритишган.