"Барселона"нинг амалдаги президенти Жоан Лапорта Хавининг клуб раҳбарлиги учун ўтказиладиган сайловларда Виктор Фонтни қўллаб-қувватлаш қарорига изоҳ берди.
"Блауграна"нинг собиқ бош мураббийи ва афсонавий ярим ҳимоячиси мухолифатдаги номзоднинг сайловолди штаби томонидан ташкил этилган тадбирда иштирок этди ва унинг номзодини илгари суриш учун имзо чекди.
"Хави кимни хоҳласа, ўшани қўллаб-қувватлаши мумкин. Бу унинг ҳуқуқи ва бу демократик сайловлар", — деб таъкидлади Лапорта.
Эслатиб ўтамиз, "Барселона" президентлиги учун сайловлар 15 март куни бўлиб ўтади, янги сайланган президент эса 1 июлдан ўз вазифасига киришади.
