Криштиану Роналду яқинда клуб бошқарувидан норозилигини билдириб, "Ан-Наср"нинг бир нечта ўйинига бойкот эълон қилган эди. Шундан сўнг юлдуз португалиялик футболчи келаётган ёзда Саудия Арабистонини тарк этиши мумкинлиги ҳақида миш-мишлар тарқалди.
Бироқ, "365Scores" нашрининг хабар беришича, Роналду шартнома муддати тугагунча, яъни 2027 йилнинг ўрталарига қадар "Ан-Наср"да қолишга қарор қилган. Португалиялик ҳужумчи Саудия Арабистони инвестиция жамғармаси вакилларидан юқори даражадаги футболчилар трансфери бўйича кафолатлар олган.
Ҳозирда "Ан-Наср" Саудия Про-лигаси турнир жадвалида пешқадамлик қилмоқда. Иккинчи ўриндаги "Ал-Аҳли" икки очкога, учинчи поғонадаги "Ал-Ҳилол" эса уч очкога ортда қолмоқда.
