«Реал Мадрид» бош мураббийи Карло Анчелотти «Кадис»га қарши ўйин олдидан жамоа ярим ҳимоячиси Федерико Вальверденинг аҳволи ҳақидаги саволга жавоб берди.
«Федерико қайтди. У бутунлай соғлом. У иккинчи ярим ҳимоячи сифатида ўйнай олади, бизда вариантлар кўп», - дея Анчелоттининг сўзларини келтиради Madrid Universal.
Жорий мавсумда уругвайлик футболчи барча турнирларни ҳисобга олган ҳолда 17та ўйинда қатнашиб, бир марта рақиблари дарвозасига тўп йўллашга муваффақ бўлди. Бундан ташқари, Вальвердеда учта голли узатма бор.
