«Брайтон» ҳужумчиси Ансу Фати жиддий жароҳат олди. Sport нашрининг хабарига кўра, «денгиз отлари» бу маълумотни тасдиқламаган бўлсада, футболчи жароҳати туфайли анча вақтни ўтказиб юборади.
Эслатиб ўтамиз, Фати кеча Англия Премьер-лигаси доирасидаги «Ноттингем Форест»га қарши ўйинда алмаштирилган эди.
Испаниялик футболчи майдонга асосий таркибда кирди, аммо жароҳати сабаб 21-дақиқада алмаштирилди.
Фати «Брайтон»га «Барселона»дан ижара асосида келди. Эҳтимол, жароҳат футболчини тузалиши учун Каталония лагерига қайтишга мажбур қилиши мумкин.
