Эрик тен Хагнинг фикрича, тиғиз тақвим «Манчестер Юнайтед» футболчиларининг жароҳатларига таъсир қилган.

Айни дамда клубнинг 6 нафар футболчиси жароҳат олган: Каземиро, Лисандро Мартинес, Мэйсон Маунт, Жонни Эванс, Кристиан Эриксен ва Амад Диалло. Расмус Хёйлунд ва Тйрелл Маласианинг ҳолати сўроқ остида, Люк Шоу эса жароҳатдан қайтган, аммо август ойидан бери майдонга тушмаган.

«Ўтган йили биз Европанинг исталган клубидан энг кўп ўйин ўтказдик, ўша ғалати мавсумда жаҳон чемпионати ҳам бор эди.

Барча мураббийлар тақвимдан шикоят қилишди. Биз аллақачон ўйинчилар қўлидан келадиган чегараларни яратиб бўлганмиз.

Танлов бор: ёки бундай жадвалга яхшироқ тайёрланинг, ёки жароҳатлар сабабли ўйинларни ташлаб қўйинг.

Ҳар бир топ ўйинчи ва топ жамоа сиз чидашингиз ва қурбонлик қилишингиз кераклигини билади. Агар сиз ўйинларга тайёр бўлишни истасангиз, маълум бир жисмоний даражага эришишингиз керак», деди мураббий.