«Штутгарт»га қарши ўйин олдидан «Айнтрахт» мухлислари тартибсизлик уюштирди.

Бундеслиганинг «Айнтрахт» – «Штутгарт» (1:2) ўйини олдидан, мухлислар чипталарни текширтириш чоғида стадион кириш жойларидан бирида стюардлар билан жанжаллашиб қолди. Шу сабабли стюардлар полицияни чақиришган.

Шундан сўнг мухлислар ва полиция ўртасида муштлашув бошланди, буни «Айнтрахт» мухлислари бошлаб юборишган. Полицияга улар шишалар, тўсиқлар ва пиротехника воситалари улоқтирди. Полиция кўздан ёш оқизувчи газ ва таёқлардан фойдаланган.

Bild хабарига кўра, полициянинг бу ҳаракатлари туфайли тажовузкорлик кўрсатмаган мухлислар, жумладан, болалар ҳам жароҳатланган.

50 га яқин полициячи турли тан жароҳатлари олди, тўрт нафари касалхонага ётқизилди. Айрим мухлислар ҳибсга олинган.