«Shtutgart»ga qarshi o‘yin oldidan «Ayntraxt» muxlislari tartibsizlik uyushtirdi.
Bundesliganing «Ayntraxt» – «Shtutgart» (1:2) o‘yini oldidan, muxlislar chiptalarni tekshirtirish chog‘ida stadion kirish joylaridan birida styuardlar bilan janjallashib qoldi. Shu sababli styuardlar polisiyani chaqirishgan.
Shundan so‘ng muxlislar va polisiya o‘rtasida mushtlashuv boshlandi, buni «Ayntraxt» muxlislari boshlab yuborishgan. Polisiyaga ular shishalar, to‘siqlar va pirotexnika vositalari uloqtirdi. Polisiya ko‘zdan yosh oqizuvchi gaz va tayoqlardan foydalangan.
Bild xabariga ko‘ra, polisiyaning bu harakatlari tufayli tajovuzkorlik ko‘rsatmagan muxlislar, jumladan, bolalar ham jarohatlangan.
50 ga yaqin polisiyachi turli tan jarohatlari oldi, to‘rt nafari kasalxonaga yotqizildi. Ayrim muxlislar hibsga olingan.
