"Ал-Иттиҳод" бош мураббийи Марсело Гальярдо ҳамда жамоа ярим ҳимоячиси Фабиньо ОКМКга қарши ўйин олдидан матбуот анжуманида иштирок этишди.

Марсело Гальярдо: Эртанги ўйин учун керакли тайёргарликлар кўрилган. Бу биз учун муҳим баҳс. Майдонда боримизни беришга ҳаракат қиламиз. Иш бошлаганимга кўп бўлмади. Шунга қарамай, жамоа билан тактик ва жисмоний жиҳатдан ўз стратегияларимизни аниқлаб олганмиз. Футболчиларнинг барчаси юқори даражада.

Фабиньо: Хайрли кун! Мураббийимиз таъкидлаганидек, эртага бор кучимизни ишлатамиз. Чунки бу баҳсда қайд эттиладиган натижа кейинги босқич йўлланмасига таъсир қилади. Барчага маълумки, дунёдаги энг кучли рақобат Европа чемпионлар лигасида. Аммо ОЧЛ ҳақида ҳам ёмон фикр билдирмаган бўлардим. Осиёга трансфер бўлишим менга янги имкониятлар эшигини очди. Бу ерда урф-одат ва қадриятлар мен учун янгилик ҳисобланади.

Эслатиб ўтамиз, баҳс 27 ноябрь куни 21:00 да старт олади.