"Рома" бош мураббийи Жозе Моуриньо жамоа мухлисларининг қўллаб-қувватлаши ҳақида фикр билдирди.
"Одамлар мендан қайси жамоада энг яхши мухлислар бор, деб сўрашади. "Интер", "Реал" ва "Челси"да жуда кўп ажойиб мухлисларим бор эди, аммо "Рома"да энг зўри.
"Рома" мухлислари “Лечче” билан ўйиннинг 90-дақиқасида мағлуб бўлаётганимизда ҳам жамоага ишонишда давом этишди (якунида “Рома” 90+1 ва 90+4-дақиқалардаги иккита гол эвазига ғалаба қозонди).
Прагада “Славия”дан 0:2 ҳисобида учралган даҳшатли мағлубиятдан кейин ҳам стадион тўлиб кетди. Бу одамлар ақл бовар қилмайдиган одамлардир», - деди Моуриньо Football Italia билан суҳбатда.
Эслатиб ўтамиз, Моуриньо “Рома”ни 2021 йилдан буён бошқариб келмоқда. Клуб билан у Конференциялар лигасида ғолиб чиқди ва Европа Лигаси финалига чиқди.
