"Roma" bosh murabbiyi Joze Mourinyo jamoa muxlislarining qo‘llab-quvvatlashi haqida fikr bildirdi.
"Odamlar mendan qaysi jamoada eng yaxshi muxlislar bor, deb so‘rashadi. "Inter", "Real" va "Chelsi"da juda ko‘p ajoyib muxlislarim bor edi, ammo "Roma"da eng zo‘ri.
"Roma" muxlislari “Lechche” bilan o‘yinning 90-daqiqasida mag‘lub bo‘layotganimizda ham jamoaga ishonishda davom etishdi (yakunida “Roma” 90+1 va 90+4-daqiqalardagi ikkita gol evaziga g‘alaba qozondi).
Pragada “Slaviya”dan 0:2 hisobida uchralgan dahshatli mag‘lubiyatdan keyin ham stadion to‘lib ketdi. Bu odamlar aql bovar qilmaydigan odamlardir», - dedi Mourinyo Football Italia bilan suhbatda.
Eslatib o‘tamiz, Mourinyo “Roma”ni 2021 yildan buyon boshqarib kelmoqda. Klub bilan u Konferensiyalar ligasida g‘olib chiqdi va Yevropa Ligasi finaliga chiqdi.
