"Манчестер Сити" ярим ҳимоячиси Бернарду Силва ўтган ёзда Франциянинг "Ренн" клубидан жамоага келиб қўшилган вингер Жереми Докунинг ўйин хусусиятлари ҳақида гапирди.
"Уни чеклаб бўлмайди, акс ҳолда у ўз сеҳрини йўқотади. Биз унга ўзини намоён этишига имкон беришимиз керак. Жереми тўпсиз қолганда, у ҳам жавобгар эканлигини билиши керак. Ҳозир у яхши ишлаяпти"- деди Силва.
Доку ўз фаолиятини "Манчестер Сити"да яхши бошлади ва матбуотда кўплаб олқишларга сазовор бўлди. Бельгиялик футболчи Англия Премьер-лигасининг 10 та учрашувида 2 та гол ва 5 та голли узатмага муаллифлик қилган.
