"Наполи" ҳужумчиси Виктор Осимхен мавсум давомида клубини ўзгартира олмайди.
Айрим хабарларга кўра, Лондон клуби январь ойида ўзини нигериялик форвард билан кучайтириш ниятида. Шунингдек, Осимхеннинг ўзи ҳам "Челси"га ўтишга тайёрлиги қайд этилди. Журналист Экрем Конур хабарига кўра, "Наполи" 24 ёшли футболчини қишки трансфер ойнасида сотмоқчи эмас. Ҳаттоки “Челси”нинг саховатли таклифи ҳам итальян клуби раҳбариятини фикрини ўзгартиришга мажбурлай олмайди.
Transfermarkt портали маълумотларига кўра, Виктор Осимхеннинг нархи 120 миллион еврони ташкил қилади. Футболчи жорий мавсум “Наполи” сафида 11 та ўйинда майдонга тушиб, 6 та гол урди ва 2 та голли узатмани амалга оширди.
