"Napoli" hujumchisi Viktor Osimxen mavsum davomida klubini o‘zgartira olmaydi.

Ayrim xabarlarga ko‘ra, London klubi yanvar oyida o‘zini nigeriyalik forvard bilan kuchaytirish niyatida. Shuningdek, Osimxenning o‘zi ham "Chelsi"ga o‘tishga tayyorligi qayd etildi. Jurnalist Ekrem Konur xabariga ko‘ra, "Napoli" 24 yoshli futbolchini qishki transfer oynasida sotmoqchi emas. Hattoki “Chelsi”ning saxovatli taklifi ham italyan klubi rahbariyatini fikrini o‘zgartirishga majburlay olmaydi.

Transfermarkt portali ma’lumotlariga ko‘ra, Viktor Osimxenning narxi 120 million yevroni tashkil qiladi. Futbolchi joriy mavsum “Napoli” safida 11 ta o‘yinda maydonga tushib, 6 ta gol urdi va 2 ta golli uzatmani amalga oshirdi.