Дортмунднинг “Боруссия” клуби футболчилари Матс Хуммельс ва Марко Ройс мавсум якунида немис клубини тарк этишади.
Журналист Экрем Конурнинг ижтимоий тармоқларда ёзишича, Ройс ва Хуммельс Саудия Арабистони чемпионатида фаолиятини давом эттириши мумкин.
Эслатиб ўтамиз, узоқ музокаралардан сўнг жорий йилнинг апрель ойида Дортмунднинг "Боруссия" жамоаси ва Марко Ройс ҳамкорликни 2024 йилгача узайтиришга келишиб олган эди. Жорий мавсумда 34 ёшли футболчи барча турнирлар доирасида 16 та ўйинда иштирок этиб, 4 та гол урди ва 2 та голли узатмани амалга оширди.
Хуммельс - "Бавария" тарбияланувчиси. У 2008 йилдан 2016 йилгача "Боруссия"да ўйнаган, сўнгра 2019 йилда Дортмундга қайтгунга қадар Мюнхен клубида уч йил ўйнаган.
Айни вақтда Германия Бундеслигасида ўтказилган 12 учрашувдан сўнг Дортмунднинг “Боруссия” клуби 24 очко билан тўртинчи ўринда бормоқда.
