"Челси" бош мураббийи Маурисио Почеттино клубнинг трансфер мақсадлари ҳақидаги саволга жавоб берди.
Кўплаб миш-мишларга кўра, "кўклар" қишки трансфер ойнаси очилганда янги марказий ҳужумчи билан шартнома имзоламоқчи.
"Бу масала хўжайинлар, спорт директори ва албатта мураббийлар штаби томонидан таҳлил қилинади. Биз жамоани кучлироқ қиладиган ёки етишмаётган фазилатларни қўшадиган ўйинчилар билан шартнома тузишга қарор қилишимиз ёки ҳозирги таркибни сақлаб қолишга қарор қилишимиз мумкин. Биз турли вариантларга очиқмиз”, - дея “Челси”нинг аргентиналик мураббийи сўзларидан иқтибос келтиради инсайдер Фабрицио Романо.
