“Челси” ҳали тажрибали ҳимоячи Тьяго Силванинг келажаги борасида бир қарорга келмаган. The Standard хабарига кўра, Лондон клуби келаси йили бразилиялик борасида бир қарорга келишни режалаштирмоқда.
Қайд этилишича, Силва шартномасини узайтирмоқчи. Шу билан бирга, клуб 39 ёшли футболчини кейинги мавсумда ҳам таркибда сақлаб қолиш мақсадга мувофиқлигига ишончи комил эмас.
Силва жорий мавсум “Челси” сафида 13 та ўйинда майдонга тушди. Уларда бразилиялик битта гол урди.
"Челси" айни дамда Англия Премьер-лигаси турнир жадвалида ўнинчи ўринда бормоқда.
