“Chelsi” hali tajribali himoyachi Tyago Silvaning kelajagi borasida bir qarorga kelmagan. The Standard xabariga ko‘ra, London klubi kelasi yili braziliyalik borasida bir qarorga kelishni rejalashtirmoqda.

Qayd etilishicha, Silva shartnomasini uzaytirmoqchi. Shu bilan birga, klub 39 yoshli futbolchini keyingi mavsumda ham tarkibda saqlab qolish maqsadga muvofiqligiga ishonchi komil emas.

Silva joriy mavsum “Chelsi” safida 13 ta o‘yinda maydonga tushdi. Ularda braziliyalik bitta gol urdi.

"Chelsi" ayni damda Angliya Premyer-ligasi turnir jadvalida o‘ninchi o‘rinda bormoqda.