"Челси" ҳужумчиси Армандо Броя ўзининг ҳозирги ҳолати ҳақида фикр билдирди.

Эслатиб ўтамиз, бу мавсумда албаниялик футболчи Англия Премьер-лигасининг 5та ўйинида атиги 142 дақиқа майдонга тушиб, битта гол урди ва голли узатмани амалга оширди.

"Агар кўп ўйинчилар етарли вақт ўйнамасалар, хафа бўлишади, аммо менинг вазиятим бошқача. Яқинда жиддий жароҳатдан қайтганимни тушунаман. Мураббийга асосий таркибда ўйнашга лойиқ эканлигимни кўрсатишим керак", - деди Броя The Secret Scout билан суҳбатда.

Аввалроқ, 22 ёшли Брой хизматларига Лондоннинг "Фулхэм" клуби қизиқаётгани ҳақида хабар берилганди, аммо "Челси" ҳали ўз шогирдини қўйиб юбориш ниятида эмас.