Каталониянинг "Барселона" клуби бош мураббийи Хави Эрнандес яқин вақт ичида ўз лавозимини тарк этиши мумкин. Бу ҳақда Football Espana нашри хабар бермоқда.
Манбага кўра, "кўк-анорранглилар" президенти Жоан Лапорта Хави ўрнини боса оладиган мутахассисни танлаган. Ҳозирда Каталония клубининг иккинчи жамоасида ишлаётган Рафаэль Маркес "Барселона" бош мураббийи лавозимига тайинланиши мумкин.
Эслатиб ўтамиз, Маркес футболчи бўлганида 2003 йилдан 2010 йилгача "Барселона"да ўйнаган.
Ла Лиганинг жорий мавсумида "кўк-анорранглилар" 14 турдан кейин 31 очко тўплашди. Жамоа турнир жадвалида учинчи ўринни эгаллаб турибди.
