"Бавария" бош мураббийи Томас Тухель жамоаси сўнгги ҳафталарда ютуқларга қандай эришганини тушунтирди. Эслатиб ўтамиз, “қизил машина” барча турнирларда қаторасига 4 та ғалабага эришди. Бу учрашувларда мюнхенликлар 11 та гол уришган, бироқ айни пайтда 3 та гол ўтказиб юборишган.

“Охирги ҳафталарда ўйинда яхшиланиш борми? "Боруссия" устидан қозонилган ғалаба биз учун муҳим эди. Натижадан ташқари, бутун 90 дақиқа давомида ишончли ўйнаганимиз туфайли ўзимизга бўлган ишонч орттирилди. Мануэль Ноернинг қайтиши ҳам муҳим роль ўйнади. Биз майдонда ўз тезлигимизга қандай эришишни тобора кўпроқ англаб етдик", - дея тушунтирди Тухель матбуот анжуманида.

Эслатиб ўтамиз, ноябрь ойи бошида “Бавария” сафарда “Боруссия Дортмунд”ни 4:0 ҳисобида мағлуб этганди.