"Bavariya" bosh murabbiyi Tomas Tuxel jamoasi so‘nggi haftalarda yutuqlarga qanday erishganini tushuntirdi. Eslatib o‘tamiz, “qizil mashina” barcha turnirlarda qatorasiga 4 ta g‘alabaga erishdi. Bu uchrashuvlarda myunxenliklar 11 ta gol urishgan, biroq ayni paytda 3 ta gol o‘tkazib yuborishgan.
“Oxirgi haftalarda o‘yinda yaxshilanish bormi? "Borussiya" ustidan qozonilgan g‘alaba biz uchun muhim edi. Natijadan tashqari, butun 90 daqiqa davomida ishonchli o‘ynaganimiz tufayli o‘zimizga bo‘lgan ishonch orttirildi. Manuel Noyerning qaytishi ham muhim rol o‘ynadi. Biz maydonda o‘z tezligimizga qanday erishishni tobora ko‘proq anglab yetdik", - deya tushuntirdi Tuxel matbuot anjumanida.
Eslatib o‘tamiz, noyabr oyi boshida “Bavariya” safarda “Borussiya Dortmund”ni 4:0 hisobida mag‘lub etgandi.
