"Реал Мадрид" бош мураббийи Карло Анчелотти "Барселона" устози Хави Каталония жамоасидаги вақтинчалик қийинчиликларни енгишига ишонч билдирди.
"Барселона" барча мусобақалардаги сўнгги бешта ўйинда иккита мағлубият ва бир дуранг қайд этган. Испания чемпионатида "кўк-анорранглилар" турнир жадвалида 4-ўринда бормоқда.
"Хави ҳам мен каби футболни жуда яхши билади. Танқиддан қочиб бўлмайди. Пасайишлар рўй беради, лекин Хави ҳаммасини ҳал қилиш учун зарур тажрибага эга. У клуб атрофидаги муҳитни билади ва менимча, унда бу вазиятни ҳал қилиш учун нима керак бўлса", - деди Анчелотти матбуот анжуманида.
