"Манчестер Юнайтед" бош мураббийи Эрик тен Хаг Чемпионлар лигаси гуруҳ босқичи 5-тури доирасидаги "Галатасарой"га қарши ўйиндан олдинги фикрлари билан ўртоқлашди.
"Биз хотиржам бўлишимиз керак, ҳаддан ташқари эмоционал бўлмаслигимиз, уни назорат қилишимиз керак. Рақибга бирорта ҳам имконият бермаслигимиз, ҳакамга ўйинга халақит бериши учун ҳеч қандай имконият бермаслигимиз керак. Биз нима қилишимиз кераклигини биламиз.
Бу ўйин бизники бўлиши бизга керак. "Манчестер Юнайтед" ажойиб тарихга эга, аммо бу бизга ёрдам бермайди. Биз келажагимизни қуришимиз керак. Биз буни ўз ўйинимизга айлантиришимиз керак. Бу ўзимизга боғлиқ", - деди Тен Хаг УЕФА расмий сайтига.
