"Manchester Yunayted" bosh murabbiyi Erik ten Xag Chempionlar ligasi guruh bosqichi 5-turi doirasidagi "Galatasaroy"ga qarshi o‘yindan oldingi fikrlari bilan o‘rtoqlashdi.
"Biz xotirjam bo‘lishimiz kerak, haddan tashqari emosional bo‘lmasligimiz, uni nazorat qilishimiz kerak. Raqibga birorta ham imkoniyat bermasligimiz, hakamga o‘yinga xalaqit berishi uchun hech qanday imkoniyat bermasligimiz kerak. Biz nima qilishimiz kerakligini bilamiz.
Bu o‘yin bizniki bo‘lishi bizga kerak. "Manchester Yunayted" ajoyib tarixga ega, ammo bu bizga yordam bermaydi. Biz kelajagimizni qurishimiz kerak. Biz buni o‘z o‘yinimizga aylantirishimiz kerak. Bu o‘zimizga bog‘liq", - dedi Ten Xag UYEFA rasmiy saytiga.
