"Реал Мадрид"га ўтадиган бразилиялик ҳужумчи Эндрик ўзининг "Палмейрас" клубининг навбатдаги ўйинида "Форталеца" жамоасига қарши ноодатий ҳаракат қилди.
Ҳаммаси 55-дақиқада содир бўлди – майдон марказидаги дуэл чоғида Эндрик "Форталеца" ҳимоячиси Титининг қорнига мушт билан зарба берди, у майдонга қулади. Ажабланарлиси, "Форталеца" футболчиларининг адолатга эришишга уринишларига қарамай, бош ҳакам содир бўлган воқеага муносабат билдирмади.
Эслатиб ўтамиз, 17 ёшли иқтидор аллақачон Бразилия терма жамоасига таклиф олган ва Колумбия терма жамоасига қарши ўйинда дебют қилган ва 82-дақиқада захирадан майдонга тушган.
