Леверкузеннинг "Байер" клуби ярим ҳимоячиси Флориан Вирцга камида 5 та топ-клуб қизиқиш билдирмоқда.
Инсайдер Флориан Плеттенберг берган маълумотларга кўра, "доричилар" раҳбарияти футболчини 2025 йилнинг ёзида жамоани тарк этишини кутмоқда.
Қайд этилишича, Вирц хизматларига “Реал”, “Манчестер Юнайтед”, “Манчестер Сити”, “Ливерпуль” ва “Бавария” каби клублар қизиқиш билдирмоқда. Вирцнинг ўзи ҳозирча рўйхатга олинган клубларнинг бирортасига ваъда бермади, чунки у ҳозирда эътиборини "Байер"да ўйнашга қаратган.
Эслатиб ўтамиз, Вирцнинг нархи 100 миллион евро атрофида баҳоланмоқда. 20 ёшли ярим ҳимоячи жорий Бундеслигада 3 та гол ва 5 та голли узатмага эга.
