"Коринтианс" ярим ҳимоячиси Габриэль Москардо "Барселона"нинг трансфер мақсади бўлиб қолмоқда.
Каталония клуби 18 ёшли футболчини таянч ярим ҳимоячи позициясига энг қизиқарли номзодлардан бири деб ҳисобламоқда, бироқ аввал хабар қилинганидек, "кўк анорранглилар"нинг молиявий қийинчиликлари келишувга тўсқинлик қилиши мумкин. "Sport" нашрининг янгиланган маълумотларига кўра, барча муаммоларга қарамай, спорт директори Деку бир неча ҳафта давомида Москардонинг атрофидагилар билан алоқада бўлиб келган. Ла Лига гранди ҳали ҳам "ПСЖ" томонидан даъвогарлик қилаётган ёш бразилиялик учун курашни давом эттирмоқда.
"Transfermarkt" портали Габриэль Москардонинг нархини 1,5 миллион еврога баҳоламоқда.
