Мадриднинг “Реал” клуби ярим ҳимоячиси Жуд Беллингем Чемпионлар лигасида “Наполи” устидан қозонилган ғалаба (4:2) ҳақида фикр билдирди.
"Бу жамоавий ўйин нуқтаи назаридан жуда яхши гол бўлди. Биз диққатимизни жамлаган ва сабрли бўлишимиз керак, айниқса, бу ерга келган жамоалар бироз чуқурроқ ҳимояланадиган "Бернабеу"да. Ўйлайманки, бу жамоанинг характери ҳақида кўп нарсани айтади, лекин айни пайтдаги вазиятни олдиндан билганимизни ҳам айтган бўлардим. Таркибда айрим футболчилар йўқ бўлса, масъулиятни ўз зиммамизга олишимиз ва ғалабага ҳисса қўшишимиз муҳим, биз бугун шундай қилдик", — деди Беллингем УЕФА матбуот хизматига.
