Мадриднинг “Реал” клуби бош мураббийи Карло Анчелотти “Рома” бош мураббийи лавозимини эгаллаб турган португалиялик мутахассис Жозе Моуриньо билан муносабатлари ҳақида гапирди.
“Бизнинг муносабатларимиз ажойиб. "Рома" билан ҳам алоқам бор, чунки мен ўша жамоа сардори бўлганман. Ўша вақтлардан ажойиб хотираларим бор", - дея Анчелотти сўзларини келтиради "Marca".
Эслатиб ўтамиз, Анчелотти 2021 йилнинг ёзида Мадрид грандига қайтган эди. Томонлар ўртасидаги амалдаги меҳнат шартномаси жорий мавсум охирида тугайди. "Қироллик" клуби раҳбарияти италиялик мутахассисга янги шартнома таклиф қилишни режалаштирмоқда.
