Бильбаонинг “Атлетик” клуби ҳужумчиси Нико Уильямс “Реал”га ўтишдан бош тортди. "Relevo" журналистларининг хабарларига кўра, футболчини "қироллик" клуби мавсум охирида уни фақат эркин агент сифатида қўлга киритишга тайёр эканлигидан қониқмаган.

Уильямс Мадриднинг таклифини рад этди, чунки у "Атлетик" унинг трансферидан пул ишлаб олишини хоҳлайди. Ўз навбатида "Реал" ҳам келишув учун пул ажратишни истамади.

Музокаралар узилиб қолгач, Нико Бильбао клуби билан янги меҳнат шартномасини имзолашга қарор қилди. Шартнома 2027 йилнинг ўрталарига қадар амал қилади.