«Бавария» ҳужумчиси Харри Кейн Мюнхенда ўзига уй топди. У «ПСЖ» клуби собиқ ҳимоячиси Люка Эрнандес яшаган уйда истиқомат қиладиган бўлди.
"Transfer News Live" тарқатган хабарга кўра, британиялик футболчи бунгача меҳмонхонада яшаган ва суткасига 11 минг евро пул тўлаган. Натижада Кейн "Бавария"даги 4 ойлик фаолияти давомида меҳмонхона учун 1,2 миллион евро сарфлади.
«Бавария» Кейнни ёзда «Тоттенхэм»дан 95 миллион еврога харид қилганди.