Лондоннинг «Челси» клуби ярим ҳимоячиси Лесли Угочукву ўз клуби ҳақида гапирди.

Франциялик футболчи август ойи бошида «кўклар» сафига келиб қўшилганди, у «Ренн»дан 27 миллион евро эвазига ўтган эди.

19 ёшли ярим ҳимоячи Маурисио Почеттино жамоаси сафида Премьер-лига ва Лига кубогида 12 учрашувда иштирок этган.

«Челси» - катта клуб, дунёнинг энг яхши клубларидан бири. Трансферга рози бўлганимда, стадионда ажойиб машғулот шароитлари ва яхши муҳитни кўришни кутгандим - айнан шуни кўрдим.

Мен жуда хурсандман, ўзимни қулай ҳис қиляпман. «Челси» ўз қадриятларига эга оилавий клуб. Бу ерда ўйнаганингизда, сиз доимо ўзингизнинг максимал даражангизни кўрсатишга мажбурсиз», - дея Угочуквунинг сўзларини келтиради «Челси» матбуот хизмати.