Хорватия терма жамоаси бош мураббийи Златко Далич Лука Модричнинг терма жамоадаги келажаги ҳақида гапирди.
Эслатиб ўтамиз, ярим ҳимоячи ёзда Германияда бўлиб ўтадиган навбатдаги Европа чемпионатида иштирок этишга тайёр.
"Евро-2024 Модрич учун Хорватия терма жамоасидаги сўнгги турнир бўладими? Билмайман, кўрамиз. Биз ҳаммамиз Лукани биламиз. Биз июнгача кутамиз ва баъзи нарсалар қандай бўлишини кўрмоқчимиз. Кейин Лука билан ўтириб гаплашамиз. Ҳозирча фақат бир нарса аниқ: у ҳеч қачон таслим бўлмайди", - деди Далич Испаниянинг Marca нашрига берган интервьюсида.
Эслатиб ўтамиз, 38 ёшли Модрич Хорватия терма жамоаси таркибида бунгача жаҳон чемпионатининг кумуш ва бронза медали соҳибига айланганди.
