Англия чемпионатининг 14-туридан ўрин олган марказий ўйин ўз статусини оқлади. "Манчестер Сити" ва "Ливерпуль" жамоалари ўртасидаги ўйинда мухлислар 6 та гол кўришди.

Учрашувнинг 6-дақиқасида Сон Хенг Мин ҳисобни очган бўлса, орадан 3 дақиқа ўтиб у автогол муаллифига айланди. Фил Фоден эса баҳснинг 31-дақиқасида "Сити"ни олдинга олиб чиқди.

Иккинчи бўлимда ҳам "отишма"лар давом этди. Ўйиннинг 69-дақиқасида Ло Чельсо ҳисобни тенглаштирди. Жек Грилиш 81-дақиқада эса "шаҳарликлар"ни яна олдинга олиб чиқди. Аммо "шпорлар" тўхтаб қолмади ва 90-дақиқада Деян Кулусевски томонидан урилган гол эвазига дуранг эришди.

Ушбу дуранг туфайли "Манчестер Сити" ўз очколарини 30 тага етказди ва жадвалда 3-поғонага тушди. "Тоттенхэм" эса 27 очко билан 5-ўринни эгаллаб турибди.

АПЛ, 14-тур
Манчестер Сити – Тоттенхэм 3:3 (2:1, 1:2)
Голлар: 0:1 – 6 Сон Хёнг Мин, 1:1 – 9, автогол Сон Хёнг Мин, 2:1 – 31 Фоден, 2:2 – 69 Ло Чельсо, 3:2 – 81 Грилиш, 3:3 – 90 Кулусевски.
Манчестер Сити – Эдерсон, Уокер, Рубен Диаш, Гвардиол (Аке, 87), Аканжи, Бернарду Силва, Родри, Фоден (Льюис, 73), Доку (Грилиш, 52), Холанд, Альварес (Ковачич, 87).
Тоттенхэм – Викарио, Порро, Дэвис, Эмерсон, Удоджи, Ло Чельсо (Скипп, 79), Биссума (Ришарлисон, 87), Кулусевски, Сон Хёнг Мин, Хиль (Хейбьерг, 46), Жонсон (Донли, 90).
Огоҳлантиришлар: Родри (34), Удожи (38), Грилиш (61), Порро (74), Гвардиол (84), Кулусевски (90), Эмерсон (90), Холанд (90).