Angliya chempionatining 14-turidan o‘rin olgan markaziy o‘yin o‘z statusini oqladi. "Manchester Siti" va "Liverpul" jamoalari o‘rtasidagi o‘yinda muxlislar 6 ta gol ko‘rishdi.

Uchrashuvning 6-daqiqasida Son Xeng Min hisobni ochgan bo‘lsa, oradan 3 daqiqa o‘tib u avtogol muallifiga aylandi. Fil Foden esa bahsning 31-daqiqasida "Siti"ni oldinga olib chiqdi.

Ikkinchi bo‘limda ham "otishma"lar davom etdi. O‘yinning 69-daqiqasida Lo Chelso hisobni tenglashtirdi. Jek Grilish 81-daqiqada esa "shaharliklar"ni yana oldinga olib chiqdi. Ammo "shporlar" to‘xtab qolmadi va 90-daqiqada Deyan Kulusevski tomonidan urilgan gol evaziga durang erishdi.

Ushbu durang tufayli "Manchester Siti" o‘z ochkolarini 30 taga yetkazdi va jadvalda 3-pog‘onaga tushdi. "Tottenxem" esa 27 ochko bilan 5-o‘rinni egallab turibdi.

APL, 14-tur
Manchester Siti – Tottenxem 3:3 (2:1, 1:2)
Gollar: 0:1 – 6 Son Xyong Min, 1:1 – 9, avtogol Son Xyong Min, 2:1 – 31 Foden, 2:2 – 69 Lo Chelso, 3:2 – 81 Grilish, 3:3 – 90 Kulusevski.
Manchester Siti – Ederson, Uoker, Ruben Diash, Gvardiol (Ake, 87), Akanji, Bernardu Silva, Rodri, Foden (Lyuis, 73), Doku (Grilish, 52), Xoland, Alvares (Kovachich, 87).
Tottenxem – Vikario, Porro, Devis, Emerson, Udodji, Lo Chelso (Skipp, 79), Bissuma (Risharlison, 87), Kulusevski, Son Xyong Min, Xil (Xeybyerg, 46), Jonson (Donli, 90).
Ogohlantirishlar: Rodri (34), Udoji (38), Grilish (61), Porro (74), Gvardiol (84), Kulusevski (90), Emerson (90), Xoland (90).