«Барселона» деярли 18 йилдан бери ўз майдонида «Атлетико»га ютқазмаяпти.

Бугун «блауграна» Ла Лиганинг 15-тури доирасидаги ўйинда ўз уйларида ғалаба қозонишди (1:0).

«Барселона» «Атлетико Мадрид»га қарши кетма-кет 24-ўйинда мағлуб бўлмади (23 та «Камп Ноу»да, 1 та «Олимпико»да). 2020 йилги Испания Суперкубоги учун каталонияликлар номинал уй жамоаси ҳисобланган «Атлетико Мадрид»га ютқазган (2:3) ўйин Саудия Арабистондаги нейтрал майдонда бўлиб ўтди.

«Барселона» ўз майдонида «Атлетико»га қарши сўнгги мағлубият 2006 йилнинг 5 февралида (1:3) бўлган.